Имате стар леб? Не го фрлајте – направете најсочен чоколаден колач!
Заборавете на сè што сте слушнале за стариот леб – со малку имагинација и топлина од рерната, може да се претвори во вистинско чудо.
Денес ви откриваме еден традиционален, семеен десерт кој се пренесува од генерација на генерација, секоја со своја мала тајна. Сочен чоколаден колач со арома на амарето, суво грозје и растопена чоколада – и сето тоа започнува со… стар леб! А, ако го послужите со топка ванила сладолед? Бајка!
Состојки:
– 700 мл млеко
– 400 г стар леб
– 100 г какао
– 100 г суво грозје
– 100 г амарети бисквити (или мелен бадемов кекс)
– 100 г шеќер
– 80 г црна сецкана чоколада
– 70 г бадеми
– 2 јајца
– Амарето ликер
– Путер и шеќер за калапот
– Прстофат сол
Подготовка:
1. Потопете го сувото грозје околу 15 минути во малку амарето ликер.
2. Стар леб искинете го на парчиња и прелијте со млекото. Оставете да стои 20 минути, повремено промешајте за да впие рамномерно.
3. Кога ќе омекне, измелете го лебот со раце и нежно исцедете доколку е премногу натопен.
4. Додајте ги сечканите амарети кекси, какаото, шеќерот, претходно изматените јајца со прстофат сол, исцеденото суво грозје, бадемите и парчињата чоколада.
5. Ставете ја смесата во претходно намачкан со путер и посипан со шеќер калап.
6. Печете во загреана рерна на 180°C околу 45 минути. Ако површината почне пребрзо да затемнува, покријте со фолија.
7. Откако ќе се испече, оставете колачот малку да се излади – но највкусен е додека сè уште е млак, послужен со топка ванила сладолед.
Совети за сервирање:
За дополнителен вкус, попрскајте го колачот со шеќер во прав, додајте листови бадем или неколку капки амарето покрај сладоледот. Секое залче ќе ве врати во детството и ќе ве потсети дека наједноставните рецепти – се највкусни.
Добар апетит и… не фрлајте леб, претворете го во чоколадна магија!
