Холивудските оскаровци на големо донираат за оштетените од ураганот „Харви“

Оскаровците, Сандра Булок и Леонардо Ди Каприо донираа по милион долари помош за жртвите од ураганот Харви во Тексас и во Луизијана.

Голем број познати личности ветиле големи суми за помош на загрозените.

Меѓу нив е семејството Кардашијан, чии членови ветиле по 250.000 долари, потоа кантри пејачот Крис Јанг со 100.000 долари, Ди Џеј Калед со 50.000 долари, Кевин Харт, Двејн Џонсон и Џениер Лопез со по 25.000 долари како и многу други.

Ураганот Харви до сега однесе 31 живот, а сојузните и локалните агенции јавиле дека спасиле повеќе од 13.000 лица од Хјустон и околните места на југоисточниот дел на Тексас.