Хари Стајлс му оддаде почит на Лијам Пејн со необјавена песна на втората годишнина од неговата смрт

Хари Стајлс му оддаде почит на Лијам Пејн со необјавена песна на втората годишнина од неговата смрт.

32-годишниот пејач ја изведе песната за својот покоен колега од One Direction за време на распродадениот настап во Медисон Сквер Гарден во петокот вечерта, на 16 октомври, во рамки на неговата актуелна турнеја Together, Together.

Станува збор за необјавена акустична песна со наслов „What Is Enough.“

„Се чувствувам неверојатно среќен што имам можност да ги свирам овие концерти тука, во Њујорк, а ова место многу ми значи… А токму на денешен ден, пред две години, изгубив еден од тие пријатели… Сигурен сум дека многумина од вас поминале низ нешто слично. Се надевам дека не сте. Но, суштината е навистина во тоа да се грижиме еден за друг“, ѝ рекол Хари на публиката, според Deadline.

Тој додал дека имало „многу луѓе кои го допреле мојот живот на толку посебни начини и без кои не би бил тука“, пред да ја најави песната што ја напишал пред две години.

Во стиховите, меѓу другото, се вели: „Не сум доволно мудар / Но ти напишав писмо само за да го изгорам / И да го гледам како се издига, како да си на небото.“

Кејт Кесиди, исто така, неодамна му оддаде почит на својот покоен партнер Лијам Пејн со видео од минатото објавено на Инстаграм.

Пејачот од One Direction почина на 31-годишна возраст на 16 октомври 2024 година, по смртоносен пад од балкон во хотел во Аргентина.

Извор: Just Jared