Есенски детали: кафеави нокти што го надополнуваат секој стајлинг

Браон бојата е нежна најава за есенската сезона – софистицирана како кашмирски шал и топла како прегратка на првите студени денови.

Иако ја обожувавме и летоска, оваа сезона таа се искачува на самиот врв на сцената за убавина – зашто браон е новата црна. Елегантна, разноврсна и секогаш беспрекорна, оваа нијанса совршено ги обединува модата, светот на убавината и ентериерот, потврдувајќи ја својата вечна класика.

Маникирот во браон тонови оваа есен не претставува само еднобојен детаљ – туку вистинска модна изјава. Почнувајќи од длабоката, богата чоколадна, преку костенлива и бордо варијанта, па сѐ до суптилни зеленкасти акценти – можностите се бескрајни. Особено заводливо изгледа комбинацијата на браон и маслинесто зелена боја – неочекувана, но префинета и вистински привлечна.

Пантоне за 2025 година ја означи „Mocha Mousse“, кремасто-кафеаво-чоколадната нијанса, како главен тон на сезоната, потврдувајќи го трендот што веќе се пробива на модните писти и козметичките едиторијали. Без разлика дали преферирате кратки и дискретни или долги и драматични нокти, браон маникирот лесно се приспособува, секогаш задржувајќи ја својата елеганција.

За оние што ја сакаат суптилната игра со детали, есенската палета на браон нијанси буди креативност: минималистички француски стил, нежни линии, омбре премини, па дури и дискретен анмал принт може да стане софистициран, урбан потег. Клучот е во рамнотежата – маникирот треба да го одразува личниот стил, чувствителност и естетика, а браон нијансата е совршена основа за сите овие варијации.

Оваа сезона потсетува дека маникирот е повеќе од убав лак – тој е мал моден ритуал, детаљ кој раскажува за вашата елеганција и став. А кога се работи за браон тонови – префинетоста е загарантирана.

Инспирација можете да најдете во галеријата на фотографии.