Единствена фотографија од првата сопруга на Данило Икодиновиќ: Ања е вистинска убавица

Веста дека поранешниот ватерполист Данило Икодиновиќ се разведува по трет пат предизвика голем интерес кај јавноста.

По девет години љубов со одбојкарката Мая Огњеновиќ, добро позната во спортските кругови, многумина беа изненадени од објавата за развед, особено затоа што сè до неодамна зборуваа за нивната врска со пофални зборови.

Сепак, парот решил разделбата да ја направи мирно и без скандали, а Мая во меѓувреме ги избришала поголем дел од заедничките фотографии од социјалните мрежи.

Пред Мая, Икодиновиќ бил во брак со пејачката Наташа Беквалац, со која ја има ќерката Хана, а како што е веќе добро познато, пред неа бил оженет уште еднаш.

Неговата прва сопруга Ања, досега беше вистинска енигма за јавноста.

Ања и Даќа се венчаа во 2000 година, а веќе следната година ја добија ќерката Андреа, која денес е возрасна девојка. Нивниот брак траел само три години, па официјално се развеле во 2003 година.

И покрај тоа, Икодиновиќ своевремено истакна дека Ања е вистинска убавица, но и жена која никогаш не сакала да биде дел од јавниот живот.

– Еве, мојата прва жена е преубава, па зошто никој не пишуваше за неа? Кој сака сензација, тој и ќе ја добие – изјави Данило во времето кога медиумите најмногу пишуваа за неговиот развод со Наташа Беквалац.

Нејзини фотографии речиси и да нема на интернет, а сега, како што пренесува Мондо, на социјалната мрежа Х се појави единствена фотографија од времето кога Ања и Данило биле заедно, и токму таа фотографија ги потврдува тврдењата на Даќа дека Ања навистина е убава жена.

Иако денес нема нови информации за нејзиниот живот, се верува дека и понатаму плени со својот изглед.