Home Актуелно Досега во Кривичен пристигнати 12 барања за амнестија

Досега во Кривичен пристигнати 12 барања за амнестија

До денес наутро, во скопскиот Кривичен суд, во рамки на можноста за амнестија за „крвавиот четврток“, пристигнати се 12 барања за амнестија од обвинетите за настаните во Собранието од 27 април минатата година.

Петдневниот рок за доставување на барањата за амнестија истекува утре. Барањата обвинетите можат да ги доставуваат до судот лично и по пошта. По истекот на на рокот за поднесување на барањата, судот и обвинителството ќе имаат рок од пет дена да одговорат кој ќе биде помилуван, а кој не. Меѓу првите што побараа амнестија е пратеникот Крсто Мукоски, обвинет дека ги отворил вратите во Собранието. Слично барање упатија и Горан Ангелов-Ќосето и Иван Цветановски, додека Јане Ченто и Игор Југ се изјаснија дека не сакаат милост, туку правда.

Инаку, денешното рочиште за упадот во Собранието е одложено поради дополнителни докази кои треба да ги достави одбраната на поранешниот директор на Бирото за јавна безбедност, Митко Чавков. Судењето најверојатно ќе продолжи в среда.

Load More Related Articles
Load More In Актуелно
Comments are closed.

Check Also

КПХФВ: Уличниот стил во Копенхаген ја обликуваше и обои радоста

Вистина е дека, со целиот хип околу Париската недела на висока мода, Копенхаген можеби ост…