Доаѓа сезоната на гламурозни влечки — и нема да им одолееме

Стигна тој момент кој сите го очекуваме со нетрпение — време е да го истакнеме омилениот педикир под сончевите зраци и да чекориме по плажа со леснотија и стил… Се разбира, во хит обувката на летото — старите добри влечки!

Заборавете ги досадните гумени папучи што досега ги носевте. Сега влечките освојуваат модни писти, црвени теписи, па дури и вечерни излегувања! Доаѓаат во побогати, шик изданија, украсени со омилени мотиви, металик детали, и — да, правилно прочитавте — дури и со потпетици кои потсетуваат на она безгрижно, бескрајно летно чувство за кое сите сонуваме кога температурата стреми кон максимумот.

За сите модно освестени дами кои сакаат секогаш да бидат чекор пред времето — се појавуваат модели како „тхонг“ и „веџ“, кои успешно ја спојуваат удобноста и естетиката во стилот на Парис Хилтон од почетокот на 2000-тите, совршени за романтични прошетки на зајдисонце.

Новата популарност на влечките ја покрена луксузната соработка помеѓу Долче и Габана и брендот ХАВАИАНАС, а по нив, во модната игра се вклучија и големи имиња како Прада, Алаја, Лоеве и Коперни. Сега има модели од еко-кожа со кроко ефект, во живи бои и со сјајни ремчиња што внесуваат свежина во секој стајлинг. Без разлика дали одите на коктел во тренди бар или на вечерно дружење со пријателки, овие влечки се задолжителни ова лето. Особено оние украсени со шарени камчиња, циркони и детали кои од обична папуча создаваат шик моден додаток за секој летен стајлинг — дури и за вечерни фустани.

Затоа — влечките повеќе не се само практични, туку вистинско модно изразување. Во галеријата ве очекуваат најмодерните модели што ќе го подигнат вашиот летен стил на ново ниво!