Дијана Ѓоковиќ издржа нешто што ретко која жена би можела: Ниту виновна, ниту должна – станав пејачка

Родителите на Новак Ѓоковиќ, Дијана и Срѓан, се во брак веќе 35 години. Иако ретко зборуваат за приватниот живот пред камери, во емисијата „Балканска улица“ во 2020 година ја раскажаа својата животна приказна – од првата средба, преку првиот бакнеж и запросувањето, до сите жртви и понижувања што ги претрпеле за да создадат семејство и да го поддржат синот на патот кон светскиот успех.

Првата средба на Копаоник

Нивната љубовна приказна започнала на планина.

„Се сеќавам на моментот кога ја видов Дијана. Беше во скијачка опрема, комбинезон, на врвот на Копаоник, на Панчиќ. Прво ја здогледав силуетата. Имаше очила за сонце, и не можев да ѝ го видам погледот. Дошла да скија и да полага за учител по скијање, па се излизга“, раскажа Срѓан.

Дијана додаде:

„Така беше. Го здогледав на патеката, во син комбинезон од ски-школата ‘Генекс’ тогашна. Стегнат. И јас прво ја здогледав силуетата.“

Првата љубов и бакнеж

Набргу романсата процветала. Срѓан се присети и на првиот бакнеж:

„Одма бакнеж на патеката. Се шегувам. Не беше така. Имаше убедување неколку дена.“

Потоа одлучиле да создадат семејство.

„Се зачна Новак. Дијана рече: ‘Ти немаш никакви обврски, јас ќе го родам детето, а ти како сакаш’. И така беше. Сè друго е историја.“

Запознавање со семејството и предрасуди

„Многу кратко време имавме да се запознаеме. Никој ништо не криеше. Сигурна сум дека неговите родители многу повеќе обратија внимание од каде сум. Во еден момент дури станав и пејачка. Починатата мајка на Срѓан ѝ се јавила на сестрата, која беше науво слаба, и ѝ рекла: ‘Срѓан се жени’. Таа прашала: ‘Од каде е девојката?’ – ‘Хрватица.’ – ‘А, пејачка’, одговорила сестрата. И така ни крива ни должна станав пејачка“, раскажа Дијана.

Дијана потекнува од воено семејство, каде образованието и правилата биле строги:

„Не беа воодушевени што ќе се мажам толку млада. Немав завршено факултет, некои работи се случија ненајавено. Одлучив да се мажам.“

Жртви и откажувања

Срѓан вели:

„Тоа што таа го направи и издржа сите овие години е неверојатно. И мене. Тежок сум, нормално. Седумнаесет години живеевме по туѓи станови. Дијана работеше, го доеше Ѓоле, го чуваше Марко и ни праќаше на мене и Ноле пари за да патуваме по светот и тој да игра турнири. Ретко која жена би го издржала тоа.“

Дијана додава:

„Имаше моменти кога чувствував дека не можам повеќе. Тој вели: ‘Ајде уште оваа година само’.“

Дискриминација и неразбирање

„Многу тешко беше да кажеш од каде си. Те Србија и Црна Гора, па потоа само Србија. Не можеш да објасниш од каде си. Особено во Америка. Прашаат, дали е Сирија? Тие навистина немаат поим. Поврзував со Југославија, Тито, Косово… ама ни тогаш не знаеа.“

Почетоци на турнирите

„Не можевме од почеток да седиме во ложите. Мораше да се докаже. До тогаш играше на споредни терени. Првото моје патување беше во Бергамо, челенџер. Тато најчесто патуваше со него. Јас морав да работам, да печам палачинки, да заработувам пари и да праќам. Смрзнавме. Катастрофа. Помислив, ако ова е тоа – баш и не ми е некое уживање.“

„Потоа дојдоа поголеми турнири, но никој не не фермаше. Имаме големо семејство, ние четворица – тоа се веќе доста карти. Не сакаа да ни дадат карти. Гледаме на другите врвни играчи децата имаат акредитации, а на нас не ни даваат. И така се снаоѓавме“, заврши Дијана Ѓоковиќ.