Данијела Димитровска по три години ја прекина тишината за разводот од Огњен: Страдав за таа личност
Данијела Димитровска го остави разводот зад себе и целосно се посвети на работата на себе. Професионалниот успех го достигна својот врв, а на својот син и емотивен партнер им посветува целосно внимание. Таа откри дека разводот бил клучен момент во нејзиниот живот, кога сериозно почнала да работи на себеси.
„Пред три години поминав низ развод, и да не се лажеме, тоа е многу стресен период – смрт без умирање. Имате чувство дека покрај сето тоа емотивно што го оставате зад себе, оставате и стара верзија на себе, и некако страдате за таа личност – а мислам токму на себе.“
Во тој период имав потреба од многу помош, се појавија некои мои стравови. Стручната помош ми помогна многу, но и чувството на благодарност што го негуваме секојдневно може да ни помогне да се ослободиме од стресот – изјави Димитровска во своето прво видео на YouTube каналот, кој го отвори со цел да ги сподели своите искуства со жените што ја следат.
Данијела Димитровска не коментираше многу за разводот во медиумите, но со поранешниот сопруг остана во коректен однос, заради нивниот син Матија, кој секогаш ќе ги поврзува.
По разводот, ја започна врската со Јеврем Косниќ и својата емотивна среќа и љубов не сака да ја крие.
