ДАЛИ ДА ВЕЖБАТЕ КОГА СТЕ НАСТИНАТИ ИЛИ БОЛНИ? ЕВЕ ШТО ТРЕБА ДА ЗНАЕТЕ

Прашањето „дали да одам во теретана кога сум болен?“ го мачи многумина, а одговорот зависи од тоа како се чувствувате и колку се сериозни симптомите.

Нема строго утврдени правила, но постојат насоки кои можат да ви помогнат полесно да одлучите.

ПРАВИЛОТО „ПРОВЕРИ ГО ВРАТОТ“

Ако симптомите се над вратот – течење од носот, кивање, гребење во грлото – најверојатно можете да направите лесна физичка активност. Ако симптомите се под вратот – повраќање, кашлица, температура или болки во телото – вашето тело бара одмор. Ова правило потекнува од едно истражување од 1996 година и сè уште често се применува од страна на експертите.

ЛЕСНИ АКТИВНОСТИ КОГА СТЕ ИСЦРПЕНИ

Најдобар показател дали треба да вежбате е нивото на ваша енергија. Ако се чувствувате истоштено, прескокнете го тренингот и дозволете му на телото да се опорави. Ако имате обична настинка без сериозни симптоми и чувствувате дека можете, изберете лесни активности – прошетка или тивка јога. Интензивните тренинзи оставете ги за кога повторно ќе бидете во форма.

НИКАКО ВЕЖБАЊЕ СО ТЕМПЕРАТУРА

Ако имате покачена температура, останете дома. Вежбањето со треска не само што може да го влоши вашето здравје, туку може и да биде опасно – истражувања на животни укажуваат на зголемен ризик.

Причините се јасни:

• Температурата предизвикува дехидрација
• Телото е веќе изнемоштено, а вежбањето го зголемува надворешниот притисок
• Мускулите и енергијата се намалени

Освен тоа, ако имате температура, најверојатно сте заразни, па вашето присуство во теретана може да допринесе за ширење на вирусот.

ШТО СО КАШЛИЦА?

Кашлицата е посложена од температурата – сè зависи од нејзиниот облик:

• Повремена, сува кашлица: можете да вежбате ако се чувствувате добро
• Умерена кашлица: се препорачува само лесно движење
• Честа или продуктивна кашлица (со слуз): одмор е задолжителен

Интензивната кашлица го отежнува дишењето, а вежбите кои го зголемуваат пулсот бараат повеќе кислород – што е тешко за организм кој се бори со кашлица.

ДАЛИ ВИ ТЕЧЕ НОСОТ?

Ако ви тече носот или имате блага назална конгестија, можете да вежбате умерено, се додека немате дополнителни симптоми како кашлица, температура или силна исцрпеност. Ако дишењето ви е отежнато, избегнувајте напорни тренинзи додека не закрепнете целосно.

АКО СТЕ СПОРТИСТ?

Ако сте во врвна форма, можеби мислите дека важат други правила за вас. Меѓутоа, вреди да се има предвид следново:

• Вежбањето додека сте болни може да го зголеми ризикот од повреди
• Повредата може да ве оддалечи од тренинг подолго отколку самата настинка
• Редовната физичка активност докажано ја намалува веројатноста од чести настинки

Заклучок: Слушајте го вашето тело и намалете го интензитетот на вежбањето додека оздравувате. Одморот е исто така дел од тренингот!