ТикТок не престанува да зборува за поимот „cortisol face“ – ајде да откриеме за што станува збор.
Нова година, нова beauty и wellness опсесија од ТикТок! Овој пат, главна тема е кортизолот – хормонот на стресот, кој, според виралните видеа, може да биде главен виновник за изморена, подуена и безживотна кожа. Ако некогаш сте се запрашале како некои девојки успеваат целосно да го трансформираат својот изглед и да зрачат со свежина и енергија, можеби тајната е токму во контролата на овој хормон.
ШТО ТОЧНО Е „CORTISOL FACE“?
Овој тренд ја открива врската помеѓу високиот нивo на кортизол и промените на лицето – подуеност, зголемена маснотија, акни, темни подочници и сив, изморен тен. Сè повеќе кориснички на ТикТок споделуваат свои „пред и потоа“ фотографии, покажувајќи како, намалувајќи го стресот, успеале да добијат блескава и затегната кожа.
ШТО ТОЧНО Е КОРТИЗОЛ?
Овој хормон, кој го лачат надбубрежните жлезди, има клучна улога во регулацијата на метаболизмот, имунолошкиот систем и нивото на шеќер во крвта. Сепак, кога сме постојано под стрес, нивото на кортизол расте, што доведува до задржување на течности, воспаленија и забрзано стареење на кожата.
КАКО КОРТИЗОЛОТ ВЛИЈАЕ НА ВАШИОТ ИЗГЛЕД?
Зголемена подуеност – Поради задржувањето на течности, лицето може да изгледа отечено и безживотно.
Намалување на колагенот – Кожата ја губи еластичноста, а брчките и опуштеноста стануваат позабележителни.
Вишок себум – Зголеменото лачење на масло може да доведе до акни и нерамномерен тен.
Забавена циркулација – Кожата го губи здравиот сјај и изгледа уморна.
Темни подочници – Стресот и недоволниот сон дополнително ги нагласуваат подочниците и создаваат изморен изглед.
КАКО ИНФЛУЕНСЕРКИТЕ ОД ТИКТОК ГО ПОБЕДИЈА „CORTISOL FACE“?
Една од првите што проговори за овој феномен е Татијана, која преку вирални видеа ги сподели тајните на својот сјај. Нејзините совети:
Хидратација пред и по тренинг – Водата помага во детоксикацијата на телото.
Без кафе на празен стомак – Избегнувањето кофеин рано наутро спречува хормонални осцилации.
Умерен тренинг – Наместо исцрпувачки кардио-сесии, избира пилатес и долги прошетки.
Утринска рутина без телефон – Првиот час од денот го посветува на себе, наместо на doomscrolling.
Дневник на благодарност и медитација – Доказано го снижуваат нивото на стрес и го подобруваат расположението.
Нејзиното видео има повеќе од 11 милиони прегледи, а многу кориснички потврдуваат дека овие едноставни промени навистина можат да придонесат за видлива трансформација.
ДАЛИ Е СЕ ОВА САМО ТИКТОК МИТ?
Стручњаците предупредуваат дека „cortisol face“ може да биде симптом на посериозни здравствени проблеми, како што е Кушинговиот синдром. Сепак, здравите навики како балансирана исхрана, правилна хидратација и умерено вежбање несомнено можат да придонесат за подобра кожа и целокупно здравје.
Ако барате начин да го подобрите вашиот изглед и расположение, размислете за техники што го намалуваат стресот. Можеби токму контролата на кортизолот е клучниот чекор кон вашиот совршен glow-up!
