Актуелно

Чавков и четворица други затвореници во штипскиот затвор позитивни на КОВИД-19

Петмина осуденици, меѓу кои и поранешниот директор на Бирото за јавна безбедност (БЈБ), Митко Чавков, кои се на издржување затворска казна во затворот во Штип, се позитивни на ковид-19, објави порталот „Сакам да кажам“.

Покрај осудените, позитивни на коронавирусот се и тројца вработени.

Чавков, како поранешен директор на БЈБ, во штипскиот затвор издржува затворска казна од 16 години која ја доби во судскиот предмет за упадот во Собранието на 27 април 2017 година. Тој првично доби 18 години, но Апелација му ја намали казната за две години.

To Top