BANKSYING: ТОКСИЧЕН ТРЕНД ВО ЗАПОЗНАВАЊЕТО ШТО МОРА ДА ГО ЗНАЕТЕ (И ДА ГО ИЗБЕГНЕТЕ)

Секоја сезона носи нови термини во светот на запознавањето, а додека речиси сите сме запознаени со ghosting – оној момент кога личноста со која се гледате или само си пишувате едноставно исчезнува без трага – постојат и помалку познати, но подеднакво токсични трендови. Еден од нив е banksying.

Овој термин доаѓа од имињето на британскиот уличен уметник и политички активист Бенкси, познат по своите изненадни и често мистериозни уметнички појави. Точно како што Бенкси работи тајно на некое дело и потоа ненадејно го претставува на јавноста, banksying во светот на љубовните врски означува партнер кој тивко и постепено се повлекува од врската, оставајќи ве во целосен шок.

Разликата помеѓу ghosting и banksying

Додека кај ghosting-от исчезнувањето е ненадејно – и тоа најчесто во раните фази на врската или неформалната ситуационшип динамика – banksying е побавен и суптилен процес. Личноста постепено се дистанцира: покажува помалку внимание, создава емоционална дистанца и дава нејасни изговори, сè додека не сфатите дека врската практично веќе не постои. Цело време успевајќи да ве увери дека „сè е во ред“.

Овој тренд не е сосема нов, но станува сè почест – главно поради растечката употреба на апликации за запознавање и начинот на кој денес луѓето ги дефинираат врските. Иако знаците се дискретни, тие секогаш постојат – само треба внимателно да се препознаат.

Како да се заштитите?

Клучот е во отворената и искрена комуникација низ целата врска, дури и во самите почетоци, дури и кога тоа создава чувство на непријатност. Препознавањето на тие ситни, суптилни сигнали може да ви помогне да избегнете емоционален шок и да останете заштитени на емотивен план.