Американски бомбардери денеска ќе прелетаат над Скопје

Два американски бомбардера Б52 денеска попладне ќе го прелетаат Скопје, соопшти македонското Министерство за одбрана.

Според најавата, два воени авиона Б52 на американското воено воздухопловство во Европа и Африка во 14:35 часот ќе го надлетаат Скопје. Летовите на тие авиони, се посочува, демонстрираат силен сојуз во НАТО и претставуваат гарант за целата евроатлантска област, вклучително и за Северна Македонија.

За да се покаже посветеност и безбедносна гаранција кон балканските сојузници и партнерите во НАТО, денеска освен над Македонија, авионите ќе летаат и над Хрватска, Црна Гора и Албанија.