Даниел Калуја и Тајрик Витерс се најдоа меѓу многубројните патници што во петокот останаа заглавени на аеродромите, откако американската Федерална управа за воздухопловство (ФАА) ги запре сите летови низ земјата. Нивното спонтано интервју потоа стана вирално.
Калуја, 37-годишната ѕвезда на „Get Out“, и 28-годишниот Витерс, актер од „Him“, разговараа со екипата на КВАЛ њуз во Јуџин, Орегон, откако нивниот лет за Лос Анџелес бил запрен, а тие морале да излезат од авионот.
„Само сакам да им се заблагодарам на Бог и на ФАА што нè чуваат, и тоа по синиот бран“, рече Тајрик, алудирајќи на неодамнешната убедлива победа на демократите на изборите на средина од претседателскиот мандат.
Потоа додаде: „Ама ова навистина нè вознемирува и мене и другарка ми, зашто ако не можеш да одиш на аеродром, каде, по ѓаволите, можеш да одиш?“
Ѕвездата на „Reminders of Him“ со ова се повика на мемето „Бела Ноче“, кое произлезе од вирално телевизиско интервју од 2016 година. Во него, една локална жителка му вели на новинар: „Ова нè вознемирува и мене и другарка ми… Зашто си велиме, по ѓаволите, ако не можеш да одиш во Бела Ноче, каде воопшто можеш да одиш?!“
Даниел потоа се надоврза дека е „благодарен“. Иако ситуацијата била непријатна, тој смета дека со одлуката веројатно биле спасени многу животи.
ФАА ја укина забраната за полетување низ САД во петокот вечерта, околу 20:15 часот по источноамериканско стандардно време.
Извор: Just Jared
Учество во игри на среќа е дозволено за лица со 18+ години. Играј одговорно!