Кортни Кардашијан ги отфрли тврдењата дека таа и нејзиниот сопруг Тревис Баркер повеќе не живеат заедно.
Во епизодата на реалното шоу „Кардашијанс“, емитувана во четвртокот, на 5 ноември, 47-годишната ријалити-ѕвезда ги нарече „измислени“ приказните дека се разделиле или дека живеат одвоено.
„Таа ми вели: ‘Списанието пишува дека ти и Тревис повеќе не живеете заедно и дека се разделувате’. Јас ѝ велам: ‘Кажи им да го објават’. Па да видиме што ќе се случи. Знаат дека не е вистина“, раскажа Кортни.
Според неа, гласините потекнуваат од „глупави“ видеа на Тикток, а тоа што луѓето им веруваат го опиша како „многу бизарно“.
Кортни сподели и како им оди во бракот, нагласувајќи дека не би можело да биде подобро. Воедно откри дека го привршуваат реновирањето на домот.
„Едвај чекам да готвам, да имаме филмски вечери и да правиме скара. Сакам на сите да им биде волшебно“, рече таа.
Двојката ја започна врската во 2021 година, а во мај 2022 година склучи граѓански брак во судница во Санта Барбара, Калифорнија. Подоцна направија многу поголема свадба во Портофино, Италија, со сите свои пријатели и членови на семејството.
Заедно го имаат тригодишниот син Роки, а и двајцата имаат деца од претходни врски.
Извор: Just Jared
Учество во игри на среќа е дозволено за лица со 18+ години. Играј одговорно!