Ѕвездата од „Елен“, Софија Грејс, се породи и го доби третото дете

Софија Грејс сега е мајка на три деца.

23-годишната јутјуберка, која се прослави во 2011 година изведувајќи ја песната „Super Bass“ од Ники Минаж заедно со својата братучетка Роузи Меклеланд во The Ellen DeGeneres Show, го роди своето трето бебе.

Софија ја сподели радосната вест на Инстаграм во петокот, 16 октомври, објавувајќи неколку фотографии на кои го држи новороденчето во раце.

Во описот откри дека на 4 октомври родила девојче по име Ариела Блу.

Малата Ариела им се придружува на постариот брат Ривер, кој има 3 години, и постарата сестра Атена, која има 22 месеци.

Софија Грејс досега го држеше својот партнер, како и таткото на нејзините деца, подалеку од јавноста, а во интервју од 2022 година објасни и зошто.

„Бидејќи отсекогаш сум била во центарот на вниманието, чувствувам дека сакам нешто да задржам само за себе“, изјавила таа за E! News по објавата за првата бременост. „Едноставно нешто што можам да го зачувам приватно и во кое можам да уживам без да морам да го споделувам со сите.“

Сепак, таа додала дека можеби ќе дојде ден кога ќе го покаже и него во јавност.

„Ќе ми биде сосема во ред да го споделам со јавноста и ќе ми биде сосема во ред да се појавува во моите видеа“, рече Софија Грејс. „Но, мислам дека кога тој ќе се почувствува доволно самоуверено да биде во нив, тогаш можеби би можеле да го направиме тоа и би било навистина забавно.“

Во тој период тие биле во врска повеќе од две години.

Извор: Just Jared