Леони Касел, шеснаесетгодишната ќерка на Моника Белучи и Венсан Касел, официјално дебитираше на модната писта, и тоа на една од најочекуваните модни ревии на годината – спектакуларниот Dolce & Gabbana Alta Moda настан одржан во Таормина, Сицилија.
Таа не беше само една од манекенките на ревијата – токму таа го отвори завршниот дел од спектаклот, во момент на силна симболика кој го означи нејзиниот прв професионален излез на модната сцена. Во бајковитата амбиентот на ботаничката градина Radicepura, претворена во магичен врт инспириран од грчката митологија, Леони изгледаше како модерна нимфа.
Носеше впечатлива креација на висока мода украсена со раскошни цветни мотиви, богат накит и цвеќе во косата, совршено одразувајќи ја романтичната и театралната естетика на колекцијата. Целата ревија повеќе наликуваше на филмска сцена отколку на класичен моден настан, а секоја креација ја раскажа својата приказна.
Изборот на Леони Касел за ваква важна улога не е изненадување. Италијанската модна куќа Dolce & Gabbana години наназад одржува блиска соработка со Моника Белучи, една од своите најпознати музи и симбол на италијанската елеганција. Учеството на нејзината ќерка на ревијата делува како симболично претставување на новата генерација која продолжува истото наследство на препознатлива убавина и харизма.
Во првиот ред на ревијата беше и Моника Белучи, која со гордост го следеше еден од најважните моменти во дотогашниот живот на својата помлада ќерка. Меѓу поканетите гости беа и Џенифер Лопез, Кристијан Бејл, како и многубројни личности од светот на модата, филмот и уметноста кои допатувале за тридневниот спектакл Alta Moda на Сицилија.
Леони е помладата ќерка на Моника Белучи и Венсан Касел, кои за време на бракот добија две ќерки пред да се разведат во 2013 година. Нејзината постара сестра, Дева Касел, веќе изгради успешна меѓународна кариера како модел, соработувајќи со водечки светски модни куќи, додека паралелно гради и актерска кариера.
Се чини дека Леони сега го започнува истиот пат. Иако досега беше многу помалку присутна во јавноста од својата постара сестра, во последните месеци сѐ почесто се појавува во модни проекти. Во април оваа година, заедно со мајката се појави во уредување за италијански Vogue, кој предизвика големо внимание поради нивната неверојатна физичка сличност и близок однос.
Нејзиниот дебитантски настап на ревијата Dolce & Gabbana Alta Moda може да претставува идеален почеток на ветувачка кариера. Кога за прв пат ќе прошетате по пистата на еден од најпрестижните модни настани во светот, пред најголемите имиња од модата и филмот, јасно е дека вниманието на јавноста е насочено токму кон вас.
Учество во игри на среќа е дозволено за лица со 18+ години. Играј одговорно!