Четири деца, 15 години љубов, а никогаш не застанале пред олтар: Сè за односот на Мирка и Вујадин Савиќ

Четири деца, петнаесет години љубов, а сè уште не застанале пред олтарот: Сè за односот на Мирка и Вујадин Савиќ

Љубовната приказна на Мирка Васиљевиќ и Вујадин Савиќ веќе петнаесет години ја буди љубопитноста на јавноста. Од самиот почеток, нивната врска беше под будното око на медиумите – од романтичните почетоци, преку заедничките предизвици, па сè до шпекулациите што го следат нивниот однос.

Сепак, и покрај сите препреки и приказни што ги следат, Мирка и Вујадин успеваат да одржат хармоничен семеен живот со нивните четири деца.

Најголемо внимание привлечоа гласините за наводните неверства на Вујадин, но Мирка тогаш реагираше смирено и достоинствено. Иако е позната по својата прибраност, актерката искрено признава дека одредени написи не ѝ годат.

– Искрено, не ме погодуваат, но секако дека не ми е пријатно. Никој не сака да биде претставен во негативен контекст. Така што, не ме повредуваат, но не ми е пријатно, си мислам: „Можеше и без ова.“ Но не ми го расипуваат денот, не ми ја нарушуваат енергијата. Бидејќи, ако се раководиш според вистината и стоиш цврсто со двете нозе на земја, тоа не може да те покоси – вели Мирка.

Зборувајќи за семејниот живот, актерката открива дека обврските со четири деца се големи, но дека сè функционира благодарение на добра организација.

– Сега најмногу се грижиме за тинејџерите – договори, одговорност, несташлуци… А најмладата сè уште ужива во безгрижното детство. Задоволни сме со нив четворица и за сега останува така – истакнува Мирка.

И покрај тоа што се заедно петнаесет години, Мирка и Вујадин се уште не се венчале, а актерката признава дека токму таа била таа што го одложувала венчавањето.

– Тоа требаше уште пред 15 години да се случи, но останав бремена, и за време на сите бремености имав мачнини и разни други непријатности. Не сакав свадбата да ја паметам по тоа што ми било лошо – искрено раскажува Мирка, па додава:

– Немаме многу слободно време, а мене ми е важно тоа време да го посветам на семејството и на себеси, а не на стрес околу организацијата на свадбата.

Иако понекогаш не ѝ се пријатни приказните што кружат, Мирка јасно става до знаење дека семејството, љубовта и стабилноста се вредностите кои го прават нејзиниот живот исполнет.