Плачете ли лесно на филмови? Откријте зошто тоа е знак на висока интелигенција

Ако филм те расплаче – знај, не си слаба, туку си генијалка!

Си се фатила себеси како плачеш додека гледаш филм? Можеби кога јунакот се жртвува од љубов, или кога тажно дете им мафта на родителите при разделба? Не срами се – напротив, тоа е знак дека си емоционално поинтелигентна отколку што мислиш!

Науката кажува свое: ако лесно те трогнуваат филмови „во срце“, голема е веројатноста дека имаш високо развиена емоционална интелигенција. Тоа значи дека твоето срце умее да ги препознае нијансите во емоциите на другите, дека имаш изразена емпатија и длабоко разбирање за меѓучовечките односи.

КОГА СЦЕНА ОД ЕКРАН ТИ ЈА ДОПРЕ ДУШАТА: ШТО ВЕЛИ НАУКАТА?

Во една психолошка студија, учесниците гледале емотивни сцени од филмови, а потоа решавале тестови за емоционална интелигенција. Тие што се расплакале имале подобри резултати во емпатија, самосвест и комуникација. Со други зборови – солзите се моќ!

Заборави на старите изреки дека емотивноста е слабост. Напротив, способноста да се поврзеш со измислени ликови зборува за присуство на вистинска, длабока емоционална сила.

НО ЗОШТО ПЛАЧЕМЕ, ИАКО ЗНАЕМЕ ДЕКА „СÈ ТОА Е САМО ФИЛМ“?

Знаеш дека тоа е глума, дека сцените се снимени на сет и дека ликовите не постојат. И пак – не можеш да ги задржиш солзите. Звучи чудно? Всушност, мозокот не прави голема разлика помеѓу реално и измислено.

Клучна е улогата на окситоцинот – познат како „хормон на љубовта“. Тој ги активира механизмите во мозокот кои не тераат да се грижиме за други, дури и за оние кои никогаш не сме ги сретнале.

ЕКСПЕРИМЕНТ КОЈ ДОКАЖА: СОЛЗИТЕ = ПОГОЛЕМО СРЦЕ

Во еден експеримент објавен во Psychology Today, луѓето гледале две верзии на видео: едното прикажувало татко чие дете боледува од тумор, а другото – семејство во зоолошка градина. Тие што ја гледале емотивната верзија имале 47% повеќе окситоцин во крвта. А не е само тоа. Кога подоцна им било понудено да споделат пари со непознати, емотивните учесници покажале поголема дарежливост – некои дури и ги донирале сите пари за хуманитарни цели!

И погодуваш? Жените покажале повеќе емпатија, повисоки нивоа на окситоцин и дале дупло повеќе пари од мажите.

ЗАКЛУЧОК? ПЛАЧЕЊЕТО Е СИЛА, А НЕ СЛАБОСТ

Ако се расплачеш на филм – тоа не значи дека си премногу чувствителна. Тоа значи дека твојот мозок знае да сака, да сочувствува и да го разбере светот. Твоите солзи се показател на длабочина, емпатија и внатрешна интелигенција.

Затоа, следниот пат кога сцената ќе те погоди право во срце – пушти солза и дозволи му на срцето да дише. Токму тие емоции те прават цела, твоја и вистинска.