Прелепа, атрактивна и мајка на три сина: Кое е образованието на Богдана Ражнатовиќ
Бракот на Богдана и Вељко Ражнатовиќ трае веќе четири години. Имаат три сина – Жељко, Крстан и Исаија, и целосно се повлекоа од јавноста. Синот на Цеца ноќниот живот го замени со спортот, а сопругата му е голема поддршка.
За тоа што ја пронашол љубовта на својот живот, Вељко може да ѝ заблагодари на својата сестра Анастасија Ражнатовиќ. Ќерката на Цеца прва ја запознала Богдана на Копаоник и веднаш разбрала дека е совршена за нејзиниот брат.
– Вистина е дека јас го “сместив” запознавањето на Вељко и Богдана. Ја здогледав на Копаоник, не ја познавав ниту ја знаев, само ѝ пријдов и ѝ реков дека е преубава. ‘Мислам дека си совршена девојка за мојот брат, тој е див и мора да се смири, ти си вистинската’, тоа ѝ го кажав – раскажа еднаш Анастасија.
Богдана успешно се занимаваше со кошарка, а по завршувањето на училиштето, заедно со своите сестри, продаваше пилиња на пазар. Нивното семејство, Родиќ, има фарма за пилиња, но подоцна таа се префрли да работи во канцеларијата на својот татко.
Таа работа ја извршуваше без никакви тешкотии, бидејќи завршила Виша деловна школа, насока финансии и сметководство, додека нејзините постари сестри имаат високо образование. Најстарата, Бојана, дипломирала на Правниот факултет, а Наташа на менаџмент во медиуми.
Вељко дипломираше на Високата школа за применети и правни науки „Прометеј“ во Бања Лука на почетокот на 2020 година. Не криеше дека не му било лесно да ги усогласи образованието и спортот. Сепак, неговиот дипломски труд на тема „Економија во Европската унија“ го одбрани со осмица.
