Применете ги веќе денес и кажете „збогум“ на анксиозноста.
Стресот не избира, може да се појави кај кој било во особено напнат период и да ја направи секојдневието исцрпувачко. Сепак, постојат ефикасни начини да го надминете и да ја вратите внатрешната рамнотежа.
Стручњаците советуваат овие 5 техники кои вреди да ги примените штом почувствувате дека стресот тропа на вашата врата.
1. ПРАКТИКУВАЈТЕ СВЕСНОСТ И МЕДИТАЦИЈА
Свесноста (mindfulness) и медитацијата се моќни методи за намалување на стресот и подобрување на менталното здравје. Тие помагаат да се фокусирате на сегашниот момент и да не размислувате премногу за иднината, со што автоматски се намалува анксиозноста. Исто така, свесноста подразбира и ослободување од чувството на вина поради постојаната тежња кон совршенство – запомнете, не мора да бидете најдобри во сè.
2. ПОСТАВЕТЕ ГРАНИЦИ
Ако работите кога всушност треба да одмарате или превземате повеќе обврски отколку што можете да поднесете, време е да поставите јасни граници. Кажете „не“ на задачите кои не можете да ги завршите без исцрпување и ставете се себеси на прво место. Само така ќе се грижите вистински за себе и ќе го намалите нивото на стрес.
3. НЕГУВАЈТЕ ЗДРАВИ ОДНОСИ
Здравите, нетоксични односи можат да го намалат чувството на осаменост и изолација, а воедно да ја подобрат среќата во периоди на зголемен стрес. Околу себе имајте луѓе кои ви даваат поддршка и со кои можете да ги споделите своите мисли и чувства – тоа ќе ви донесе емоционално олеснување и стабилност.
4. ВНИМАВАЈТЕ НА ИСХРАНАТА И ВЕЖБАЈТЕ
Грижата за себе е холистичка – таа подразбира баланс на умот, телото и духот. Редовната физичка активност, избалансираната исхрана и квалитетниот сон му помагаат на телото да ослободи ендорфини, додека истовремено се намалува нивото на кортизол, хормонот на стресот. Покрај вашата омилена skincare рутина, вклучете и некоја форма на движење во вашето секојдневие – било да е тоа трчање, возење велосипед, пилатес или јога – во комбинација со здрави оброци кои го хранат вашето тело и ум.
5. ПОБАРАЈТЕ СТРУЧНА ПОМОШ
Ако чувствувате дека стресот не се намалува, не двоумете се да побарате стручна поддршка. Професионалната помош може да ви обезбеди алатки и стратегии за ефикасно управување со стресот, како и безбеден простор за разбирање и справување со сопствените предизвици.
Како што има напишано писателката Одри Лорд: „Грижата за себе не е прекумерна привилегија – тоа е чин на самоодржување.“
