Генералниот секретар на НАТО Јенс Столтенберг денеска објави дека Финска ќе се приклучи на НАТО алијансата во рок од неколку дена по одлуката на Турција да ја ратификува нејзината апликација.
– Сите 30 сојузници на НАТО сега го ратификуваа Протоколот за пристапување. Финска формално ќе се приклучи на нашиот сојуз во наредните денови, рече Столтенберг.
I congratulated President @niinisto on the completion of the historic ratification of #Finland’s accession. I look forward to raising #Finland’s flag at #NATO HQ in the coming days. Together we are stronger & safer.
— Jens Stoltenberg (@jensstoltenberg) March 31, 2023
Турскиот Парламент вчера ја одобри кандидатурата на Финска за членство во НАТО, отворајќи го патот на Хелсинки да се приклучи на западната алијанса во екот на војната во Украина.
Турскиот парламент е последниот од 30-те парламенти членки на НАТО што го одобри членството на Финска во Алијансата.
На почетокот на оваа недела, и унгарскиот Парламент го одобри влезот на Хелсинки во северноатлантската алијанса по неколкумесечни одложувања.
Финска и Шведска на 18 мај минатата година до генералниот секретар на НАТО поднесоа барања за влез во Алијансата.
