Дугин за загинувањето на неговата ќерка: „Ова е чин на украинскиот нацистички режим“ – Украина негира вмешаност

Таткото на трагично загинатата Дарија Дугина, рускиот филозоф и политички идеолог Александар Дугин, изјави оти смртта на неговата ќерка е „терористички акт од украинскиот нацистички режим“.

-Таа беше убава православна жена, патриот, воен репортер, експерт за централна телевизија и филозоф – истакна тој.

Украина негираше вмешаност во смртта на Дарија Дугина, која загина во експлозија на автомобил во саботата вечерта.