Home Актуелно Бензините поевтини за 5 денари, дизелот за 6 денари

Бензините поевтини за 5 денари, дизелот за 6 денари

Од ноќеска на полноќ на сила стапија новите, пониски цени на горивата.

Цената на бензинот од денес се намалува за 5 денари, а на дизелот за 6 денари за литар. Регулаторната комисија за енергетика вечерва донесе нови цени на горивата со кои тие се намалуваат во просек за 5,95 проценти во однос на одлуката од вчера.

Со тоа малопродажната цена на ЕУРОСУПЕР БС-95 ќе биде 81,50 денари, на ЕУРОСУПЕР БС-98 83,50 днеари, а на ЕУРОДИЗЕЛ 79 денари за литар. Малопродажната цена на Екстра лесното масло за домаќинство (ЕЛ-1) се намалува за 5,50 денари за литар и ќе биде 75,50 денари, додека на Мазутот М-1 НС се намалува за 2,550 денари за килограм и сега ќе изнесува 56,749 денари.

„Референтните цени на нафтените деривати на светскиот пазар во споредба со претходната пресметка бележат намалување во просек кај бензините за 4,533%, кај дизелот за 7,922%, кај екстра лесното масло за 7,911% и кај мазутот намалувањето е во просек за околу 4,928 проценти“, велат од Регулаторна комисија.

Вчитај повеќе поврзани статии
Comments are closed.

Check Also

Онлајн игри кои ќе сакате да ги играте повторно

Во последните десет години, играњето онлајн игри прерасна од обична забава во културен фен…