Во 2020 година ќе се снима документарец за Грета Тунберг

Документарец посветен на животот и активизмот на шведската тинјеџерка и активистка Грета Тунберг како филмски проект е највен за идната година.

Приказната ќе ја следи шведската тинејџерка од првиот ден од нејзината борба против климатските промени, но и тоа колку политика има во таа борба.

Филмот, чијшто работен наслов е „Грета“, ќе го режира Нејтан Гросман. Во него ќе се содржи и нејзиното учество на меѓународните протести, како и говорите одржани годинава на Самитот на ОН во Њујорк и на Самитот за климата во Мадрид. Планирано е филмот да се сними и премиерно да биде прикажан наредната 2020 година.

Тунберг неодамна, во угледното списание „Тајм“, беше прогласена и за личност на годината поради нејзината кауза и борба.