Ферги во пеколот на дрогата: Халуцинирав и имав деменција од метамфетаминот

Популарната пејачка Ферги се бори да ги надмине негативните емоции после разводот од Џош Дахамел, со кој беа во брак осум години.

Во интервју за Daily Mail пејачката открива колку ѝ е тешко и како се изборила против зависноста од метамфетамин.

„Кога бев на дното страдав од хемиски индуцирана психоза и деменција, халуцинирав на дневна основа. Требаше да помине една година откако престанав да земам дрога, за хемијата да прекине да нанесува штета на мојот мозок и тогаш престанав да халуцинирам“, вели Ферги.

Додаде дека знаела да седи на едно место, затворена во некоја просторија и да гледа зајаци или пчели. На почетокот сето тоа било забавно, но потоа почнало да излегува од контрола.

„Денот кога престана да ми биде забавно е денот кога мојата сила, вера и надеж во нешто подобро“, вели пејачката.

Моментално го промовира својот прв соло албум, Double Dutchess и многу работи. Ги негира шпекулациите дека ја напуштила групата The Black Eyed Peas.

„Моментално сме на одмор. Ние сме семејство и така ќе биде засекогаш. Би сакала да можев да снимам и свој соло албум и албум со нив, да ги промовирам и да имам уште едно дете. Но, немам доволно часови во денот за тоа“, заклучува Ферги.