Шанса да станеш YouTuber! Приклучи се! ↓↓↓
Репрезентативецот на Хрватска, Иван Ракитиќ, се конфронтираше со Бразилецот Андреас Переира, во 77-та минута од дуелот на Барселона со Гранада. Судијата му даде жолт картон на играчот од Барса, а овој полуде поради тоа.
ТВ камерите го забележаа реткиот момент кога Ракитиќ загуби нерви и брутално го навредуваше противникот од дресот на Гранада, во натпреварот од шпанската Примера во неделата, пренесува Марка.
Барселона ја доби Гранада со 4:1 на гостински терен, а хрватскиот играч за врска фрлаше со „дрва и камења“ по младиот играч за врска од противничкиот тим, при конфликтот во 77-ма минута. Судијата Латр му даде жолт картон на Ракитиќ, а овој одлепи поради тоа.
Вината за тоа Ракитиќ ја пронајде во Переира, па бесно му дофрли: „Следната сезона ќе играш во втора лига, кучкин сине!“
Иако изговорена во моменти на бес и со злобна заднина, сепак, изјавата на Ракитиќ не е далеку од вистината, бидејќи Гранада моментално е претпоследна со осум бода помалку од позицијата која обезбедува опстанок во Примера. Переира, додуша, сигурно ќе биде во друг тим, на друго место, бидејќи е на позајмица од Манчестер Јунајтед, а истиот случај ќе биде и со поголем дел од неговите соиграчи, бидејќи речиси половина тим од Гранада е позајмен.
