6 совети за правилно обликување на шишките

Шишките понекогаш знаат да бидат вистински предизвик за одржување…

Дури и кога косата ви е уредна и фризурата е точно како што сте замислиле, шишките често може да ја расипат целата слика. Понекогаш се толку непослушни што едноставно завршуваат закачени со шнолички на страна, само за да не ви пречат.

Но, со правилно стилизирање и неколку трикови, конечно можете да ги ставите под контрола.

1. ПЕРЕТЕ ГИ ВНИМАТЕЛНО

Избегнувајте шампони кои се наменети за интензивна хидратација, бидејќи тие ќе ги направат шишките тешки уште пред да почнете со обликување. Наместо тоа, користете шампон кој додава волумен и прескокнете ја употребата на балсам на шишките, па дури и на коренот на косата.

2. СТИЛИЗИРАЈТЕ ГИ ВЕДНАШ ПОСЛЕ МИЕЊЕ

Иако е подобро косата да се суши на природен начин, кај шишките е поинаку. За да изгледаат убаво и средени пред да излезете од дома, сушете ги веднаш со фен. Насочете го воздухот надолу, додека со четка ги поместувате од едната на другата страна. Така ќе добијат леснотија и ќе изгледаат природно, без да бидат залепени за челото.

3. ПАЗЕТЕ СО ПРОИЗВОДИТЕ ЗА НЕГА НА КОЖА

Нема потреба да ја избегнувате вашата дневна рутина за нега на лице или крема со заштитен фактор, но шишките треба да ги повторно пуштите на чело дури по приближно десетина минути. Тоа време е доволно за кожата да ја впие кремата, за да не им даде на шишките непотребен сјај и мастен изглед.

4. ЛАКОТ ЗА КОСА ВИ Е СОЈУЗНИК

Нанесете малку лак од страните на шишките за да создадете заштитен слој од влага помеѓу нив и кожата. Ова помага да останат средени подолго време.

5. КОРИСТЕТЕ СУВ ШАМПОН

Малку сув шампон нанесен директно во коренот може да направи голема разлика. За повисока прецизност, користете чиста четкичка за заби. Избегнувајте да го нанесувате по целата должина на шишките – така нема да изгледаат тешки и безживотни.

6. АКО НЕ УСПЕЕТЕ — ПЕРЕТЕ ГИ

Нема потреба да ја миете целата коса. Соберете ја косата во опашка, наведнете се над мијалникот и ставете мала количина шампон (околу големина на грашок) директно на коренот на шишките. Добро исплакнете и исушете со фен. За неколку минути ќе изгледаат како свежо измиени, без потреба од целосно миење.