6 необични начини да согорувате калории без замор
Калорискиот дефицит е проверен метод за губење на телесната тежина, но добриот метаболизам е подеднакво важен во таа рамка. Како можете да го забрзате метаболизмот и да согорите повеќе калории?
Да, секако дека помага здравата исхрана, вежбањето во теретана за да се градат мускули, како и пиењето вода, но постојат и неколку невообичаени начини да согорите дополнителни калории без премногу труд и умор.
1. Џвакање гума за џвакање
Докажано е дека џвакањето гума создава чувство на ситост и го намалува внесот на калории така што спречува грицкање. Покрај тоа, според истражувања, ако џвакате гума околу 20 минути по секој оброк, согорувате повеќе калории отколку ако не го правите тоа. Доколку го усвоите овој трик, изберете гума без шеќер.
2. Преферирајте студ над топлина
Кафеавото масно ткиво, односно кафеава маст, е една од двата типа маснотии во човечкото тело. Интересно е тоа што кога оваа маст се активира, може да помогне во согорување на белата маст, односно складираните калории. Изложеноста на пониски температури значително го зголемува согорувањето на калории, зависно од количината активна кафеава маст која ја има телото. Обидете се да ја намалите температурата во вашиот дом, да се туширате со ладна вода или да излезете на прошетка кога надвор е свежо.
3. Стани дарител на крв
При донирање крв, телото троши повеќе калории – барем привремено. Организмот користи дополнителна енергија за да создаде нови протеини, црвени крвни зрнца и останати компоненти на крвта за да ја надокнади изгубената количина. Истражувањата покажуваат дека донирањето крв нуди и други здравствени придобивки, како намалување на одредени болестни маркери, подобрување на антиоксидативната активност и намалување на ризикот од срцеви заболувања. Најважно е што секој пат кога дарувате крв – спасувате животи.
4. Смеење
Смеењето е најдобар лек – не само како поговорка, туку и според науката – бидејќи му помага на помнењето, на имунолошкиот систем и на артериската функција. А дополнително, помага и во согорување калории. Во едно истражување, 45 парови гледале комедии. Додека се смееле на смешните сцени, нивниот метаболизам се зголемил за 10 до 20%.
5. Плачење
Се смета дека плачењето согорува приближно ист број калории како и смеењето – околу 1,3 калории во минута, според едно истражување. Тоа значи дека за 20 минути плачење, согорувате околу 26 калории повеќе отколку ако не плачете.
6. Движете се кога сте нервозни
Не ја потиснувајте нервозата што ја чувствувате. Нека нозете ви се во движење, дури и додека седите, затоа што според истражувањата, така го помагате метаболизмот. Во едно истражување, луѓе кои се мрдаа додека седеа согореле дури 5 до 6 пати повеќе калории од оние што седеа или стоеле мирно. Ова се нарекува термогена активност без вежбање (NEAT) и може значително да придонесе во секојдневното согорување калории. На пример, едно истражување покажало дека комбинација од џогирање, пешачење и стоење може да согори до 2000 дополнителни калории дневно – во зависност од телесната тежина и ниво на активност. Алтернативно, можете да ги користите скалите, да стоите додека работите или да чистите дома.
