4 козметички тајни за сјајна кожа до Божиќ

Со овие четири едноставни, но ултра-ефикасни ритуали, ќе ја доведете вашата кожа до најсјајната верзија на себе – точно на време за празничните светилки, светкавиците и сите оние моменти од типот „аjде брзо, сликaј нè!“.

Празниците ни се приближуваат со светлосна брзина, а со нив доаѓа и таа симпатична паника: Сакам да изгледам одморено, свежо и како да имам по 12 часа спиење секоја вечер. Добрата вест? Не ви требаат нови третмани, магични серуми или чуда од аптека. Доволно е во следните неколку недели да вметнете неколку паметни, лесни beauty трикови и вашата кожа ќе ви биде благодарна уште пред првото зимско коктелче.

1. Двапати неделно: Пилинг што враќа живот

Ако сакате веднаш освежен и чист тен, пилингот е вашиот најдобар пријател. Тој ги отстранува мртвите клетки, ја елиминира сивата нијанса на кожата и подготвува терен за сите други производи да делуваат поефикасно и побрзо. Избирајте благи формули и бидете редовни: двапати во неделата е доволно за вашата кожа да заблеска како нова.

2. Витамин Ц серум – утринско еспресо за кожата

Ако постои еден состојка што гарантира сјај, тоа е витаминот Ц. Користете серум со витамин Ц секое утро пред кремата и гледајте какo тeнoт станува порамномерен, посветол и видливо поразбуден. Ги намалува пегите, го брише заморот и ви дава оној свеж изглед на лице што сите го посакуваме за празничната сезона.

3. Длабинска хидратација: богати креми и маски како зимски спа

Заборавете на лесните формули – сега е време за вистински зимски „ќебенца“ за кожата. Избирајте богати, хранливи текстури и додадете хидратантна маска 2 до 3 пати неделно. Кожата ќе биде помека, посвежа и ќе добие оној здрав, блескав изглед како после професионален третман. Не заборавајте го ниту пределот околу очите – тоа е првото место каде што стресот и недостатокот на сон се гледаат веднаш.

4. Спиење и вода – знаеме, ама навистина функционира

Можете да имате најскапи производи во светот, но ако не спиете доволно и не пиете вода, кожата прва ќе ја издаде вистината. Затоа, барем пред празниците, подарете си луксуз на седумчасовен сон и секогаш држете вода покрај вас. Резултатот? Лицето ќе ви изгледа одморено, блескаво и значително помалку „зимски истрошено“, па дури и кога распоредот ви е полн како новогодишен календар.