Творците на Лара Крофт пред три години заклучија дека нејзините гради се преголеми и дека воглавно нејзиниот изглед, а не способностите на ликот ги привлекува играчите, па тоа ги натера да направат промени во нејзиниот изглед. Но, ефектот беше спротивен – новата Лара е посексипилна од било кога.

Дизајнерот Тоби Гард кој за Eidos Interactive ја создаде Лара Крофт имаше намера да изработи лик на ладнокрвна хероина која убива со леснотија. Но, во прв план се најде нејзиниот изглед, па така Лара го зазеде второто место на најсексипилни ликови за 2008 на листата на GameFly, а Гинисовата книга на рекорди ја препозна како најуспешна хероина од видеоигри на сите времиња.


За да ги потенцира способностите на ликот, Гард одлучу да ги намали градите и задникот, кои последниве години беа главни адути кои се потенцираа за рекламните кампањи.


Сепак, споредбата на минатата и новата Лара покажува дека со корекцијата е добиена само пореална, но и посексипилна хероина, чии пропорции се во совршен склад, а деколтето се уште е посебно атрактивно.


Затоа, мошне веројатно е дека опасниот археолог и годинава ќе се најде на некој список на најсекси женски ликови од видео игри.