Замислете пред избори да ги здогледаме Груевски, Ставревски, Милошоски и Коњаноски разголени на билборди... Тешко а? Чешките конзервативци го направија токму тоа!

Лидерите на чешките конзервативци на чело со неодамнешниот премиер Мирек Тополанек, стартуваат со кампања за вонредните парламентарни избори. Тоа нема да биде обична кампања - за прибирање гласови ќе ги користат своите тела.

Како што јавуваат агенциите, конзервативците за предизборните плакати решија да се сликаат само во кратки боксерки, за да ги намамат Чешките да гласаат за нив.

Плакати со четворицата полуголи Чеси во години ќе бидат поставени и долж хрватското приморје, со оглед на фактот дека секоја година во Хрватска летуваат речиси 800.000 Чеси и Чешки.

„Ние само сакаме да ги забавуваме луѓето на пат кон морето и плажите. Не сакаме оваа кампања да им падне претешко. Се надеваме дека при погледот на нашите тела никој нема да излета од патот“, изјави градоначалникот на 13. прашка општина Давид Водрашка.