Сите знаеме дека без крем за сончање и лабело не се оди на одмор, но ако сакате да се нашминкате на плажа, еве неколку добри совети.

Ако не планирате да нуркате или цел ден да поминете во вода, туку едноставно да кулирате покрај море или базен, сигурно ќе сакате дополнително да се дотерате.

Првото правило е се разбира, да ја заштититите кожата од сонцето. Откако добро ќе се намачкате со крем или масло за сончање, нашминкајте се.


За летно шминкање се препорачува водоотпорна маскара. Можеби нема да пливате, но лицето ќе ви се поти на жештината, а не сакате маскарата да ви се растече низ образите.

Понесете добро лабело, кое нема брзо да се растопи во чантичката, бидејќи на усните им е потребна дополнителна нега кога се изложени на сончевите зраци. За лето се идеални дискретни сјаеви. Кармин не се препорачува, бидејќи изгледа премногу ’тешко’. Ако веќе сте ги истакнале очите со маскара, на усните можете да нанесете и само лабело со светки.

Ако обично носите силни лакови за нокти, имате две опции. Или целосно да ги заборавите, бидејќи песокот и водата ќе го оштетат лакот веќе при првата ’средба’, па во тој случај би требало да нанесете само проѕирен лак, заради заштита на ноктите. Ако веќе не можете да се откажете од јаките нијанси, ’отворете’ се за високо квалитетен лак во вашата омилен боја.


За навечер, држете се до истите правила, но можете да експериментирате со сенка во некоја посилна нијанса. Повлечете лесна линија долж окото во светла нијанса која се совпаѓа со вашиот стајлинг.