Вонбрачните врски подобро е да се држат подалеку од технологијата, покажа истражувањето на австралискиот телеком оператор Телстра за врската меѓу неверството и СМС пораките. Една петтина по грешка пратиле СМС кај жената, наместо кај швалерката!

Една четвртина од корисниците на мобилни телефони, токму благодарение на СМС пораките откриле дека нивниот брачен партнер ги изневерува. Секој петти од нив, по грешка испратиле порака на брачниот партнер мислејќи дека ја испраќа на љубовникот или љубовницата.

Анкетата, во која биле опфатени околу 1.200 корисници на мобилни телефони, покажа дека испраќањето на СМС пораки е најомилен вид на комуникација на 30 проценти Австралијци.

„Испраќањето на СМС пораки стана неопходно во секојдневниот живот“; велат од Телстра.

Околу 40 проценти од корисниците на мобилни телефони испраќаат најмалку седум СМС пораки дневно, пред се жените, кои на тој начин сакаат да останат во контакт со партнерот.

Секој четврти Австралиец користи СМС пораки за да ги извести пријателите и роднините за раѓање на своето дете, а секој петти да ги извести за напредувањето на работа.

Петнаесет отсто од анкетираните велат дека не би се стеснувале да испратат СМС порака од погреб, венчавка или крштевка, а 14 проценти признале дека веќе испраќале пораки од црква.