Научниците ’разбудија’ бактерија од 120.000 години екстра длабок сон, која целото ова неверојатно долго време го хибернирала длабоко под ледениот покрив на Гренланд.

Овој експеримент, каков што веројатно може да се сретне само во некој научно-фантастичен филм, има за цел да ги испита можните одговори на прашањата за настанокот на животот на другите планети.

Виолетово-кафеавата бактерија која која научниците ја открија и ја нарекоа Herminiimonas glaciei, почна да се размножува откако во рамките на експериментот беше многу пополека загревана во период од дури 11 месеци.


Експериментот не е опасен за луѓето, тврдат научниците, наведувајќи дека бактеријата не е штетна за човечкиот организам - што е добра вест, бидејќи е толку мала што може да помине низ сите заштитни филтри кои се користат по лабораториите и болниците.

Оваа бактерија припаѓа на редок вид ултрамикро бактерија, која живеат во најесктремните услови, а научниците ја извадија од длабочина од три километри во мразот.

„Ваквата екстремно студена температура и околности, се најблиску до екстремните услови кои може да се најдат во вселената и кои би можеле да содржат вонземски живот“, изјави за медиумите д-р Џенифер Лоуленд-Курц, која го предводи тимот на научници од Универзитетот Пенсилванија.

„Овие екстремно ниски температури би можеле да чуваат клетки дури и на периоди од неколку милиони години“, додаде таа.