Ако во пребарувачот ги впишете зборовите ’music lyrics’ или барате работи кои се ’free’ влегувате во мошне опасни води, полни со страшни малвери.

Дури 20 посто од веб корисниците кои се обидуваат бесплатно да симнуваат песни, своите компјутери ги заразуваат со штетен софтвер наречен малвер "malware".

Новите истражувања на американската софтверска компанија McAfee покажа дека постојат интернет поими чие пребарување е поопасно од другите. Анализирани се 2.600 популарни клучни зборови и 413.000 веб сајтови прикажани на Гугл, Јаху, Лајв и Аск.

„Во само неколку изминати години забележан е драматичен пораст на штетен софтвер“, изјави претседателот на МекАфи, Дејвид Де Валт.

Категории со најголем ризик за пребарување се скрин сејверите, бесплатните игри, огласите за работа од дома, олимпијада, славните фаци, музика и вести.

Меѓу најризичните изрази се: word unscrambler, lyrics, myspace, free music downloads, phelps, game cheats, printable fill-in puzzles, free ringtones и дури и solitaire.

Студијата покажа дека сајбер криминалците се се` понапредни, па дури 50% од компјутерите во светот се незаштитени. Сепак, ДеВалт не верува во теорија за „сајбер Армагедон“ кој ќе предизвика уништување на компјутерските и интернет структури.