Тим научници кои пет недели поминаа истражувајќи нови видови животни во студените води во близина на Антарктикот, соопштија дека пронашле 40.000 нови морски видови.

На истражувачкиот брод Тангороа, тим од 26 научници минатата година помина пет недели собирајќи податоци за уште неоткриени видови живот на подрачјето во близина на Антарктикот.

Неодамна објавија дека собрале податоци за 40.000 нови видови, а досега одработиле податоци за 5.000 од нив.

„Тоа е огромна работа, но не очекува уште многу работа“, изјави Стју Ханчет, лидер на тимот.

Една од најинтересните е рибата-змија со светкаво проѕирно тело.

Откриени биле и октоподи со гигантско око, потоа 18 нови видови морски краставици, од која една ’наоружана’ со посебна ’труба’.

Целото истражување е снимено од камерманот Мак Квин од Natural History New Zealand. Филмот Expedition Antarctica го документира целото патување и личната трагедија за научничката Џули Хал. Нејзиниот сопруг Тревор Еткинс несреќно починал додека биле на море.