Доволен е само еден силен излив на гнев за да доживеете фатален срцев удар. Тоа значи дека експлозијата на емоции не значи само лошо неадекватно однесување туку е и лошо за вашето здравје.

Во најновата студија се наведува дека кај стотици илјади Американци изложени на висок ризик на аритмија на срцето, една „жолта минута“ може да биде фатална.

„Пациентите кои се многу бесни, имаат 17 пати повеќе шанси да доживеат нарушување на работата на срцето опасно по живот“, предупредува кардиологот Кристина Алерт.

Постојат се повеќе докази дека работата на било чие срце може да биде нарушена со гневот. Докторите од Харвард открија дека само еден интензивен излив на гнев го дуплира ризикот од инфаркт во рок од само два часа. Како?

Гневот предизвикува лачење на адреналин, што го зголемува крвниот притисок и пулсот на срцето, го пореметува ритамот на срцето и може да ги активира тромбоцитите, кои предизвикуваат крвни згрутчувања.

Истражувачите препорачуваат неколку ’стратегии на однесување’, што можат да им помогнат на луѓето да ја задржат прибраноста и да го заштитат своето срце.

„За да го спречите гневот да ви нанесе штета, мора да научите да ја препознаете ситуацијата која може да ве разбесни“, тврди доктор Редфорд Вилијамс.

Освен тоа, не треба да се заобиколуваат ниту подиумите за играње. Истражувањето укажува дека играњето значително ги подобрува функциите на срцето кај пациентите со хронични заболувања. Не само тоа, оние кои што играат живеат поквалитетно, посреќно и помалку се нервираат.