Жените кои имаат тело во облик на крушка како Бијонси или Џенифер Лопез, помалку се изложени на ризик од заболување на некоја болест, тврдат научниците.

Имено, големиот задник и колковите помагаат да се спречат болестите како дијабетес тип 2 и високиот крвен притисок, открија научниците од Харвардската медицинска школа.


Тие зеле масти од колковите и задниците на жените со таков облик на телото и го вбризгале во глувци. Глувците полесно ја изгубиле тежината и подобро го користеле инсулинот, што подврди дека не се сите маснотии лоши.


Од друга страна, жените кои имаат тело во облик на јаболко (масните наслаги им се околу нивната половина) се во поголема опасност од болести како дијабетис и срцеви заболувања.

„Обликот на јаболко дефинитивно е поопасен“, вели Џеф Халеви, личен тренер од Менхетн. Причината за тоа е фактот дека салото се собира околу стомакот, каде се наоѓаат внатрешните органи како црниот дроб и панкреасот.

Така, жените кои имаат вишок килограми на стомакот можат полесно да развијат дијабетис или да заболат од висок крвен притисок. Освен тоа може да патат и од депресија.


Но, телото во облик на јаболко не значи нужно и лошо здравје. Жените како Кетрин Зета Џонс и Дру Баримор, кои се класичен облик на јаболко, но немаат вишок на килограми, се одлични примери за тоа.

Жените пак, кои имаат повеќе килограми во нозете и задникот се изложени на болести како што е остеопороза, проширени вени, пореметување во исхраната, а може да патат и од ниска самодоверба.

Но, никој не може да контролира каков облик ќе биде неговото тело. Се е запишано во ДНК.

„Сепак сите можат да изгледаат убаво и да бидат здрави, ако вежбаат редовно и ако правилно се хранат“, вели Халеви.