На младите богаташи кокаинот повеќе не им е интересен, а се повеќе од нив го користат убиствениот кетамин, коњско средство за смирување кое го користеле и војниците за време на Виетнамската војна.

Кетаминот до неодамна воглавно го конзумираа екстремните журкачи, но во последно време стекна огромна популарност помеѓу младата и богата елита. Конзумацијата на кетамин во последната декада тројно се зголеми.

Помала количина на кетамин предизвикува еуфорична состојба и ја зголемува енергијата, додека кај поголемите дози настануваат сериозни проблеми. Конзументите го губат чувството за реалност и халуцинираат, а понекогаш паѓаат во т.н. состојба ’K – дупки’, што е полусвесна состојба во која потполно се отсечени од надворешниот свет, буквално парализирани и не можат да говорат.

Но, она што е шокантно е дека конзументите токму ја посакуваат оваа состојба, покажа истражувањето на Дејли Меил, чија новинарка истражуваше на оваа тема.

Кетаминот најчесто се вшмркува во облик на прав, а еден грам чини околу 20 фунти, дупло е поевтин од кокаинот на британскиот пазар.

Но, цената не е причината поради која што се повеќе припадници од повисоката класа се одлучуваат за кетаминот, туку тие тврдат дека дејството е многу подобро од кокаинот.

„Луѓето прават чудни работи какви што не можете ни да замислите во нормални околности. Многу често сите имаме иста халуцинација. Еднаш сите мислевме дека сме во море и почнавме да пливаме. Вечерите со кетот обично се незаборавни, а подобар е од другите дроги, бидејќи подоцна можеш да се наспиеш и нема некои пропратни појави“, изјави еден од конзументите на кетамин.

Кетаминот е развиен во 1962 година во Америка, а неговото халуциногено дејство, го тера пациентот да замислува дека му е одвоен умот од телото, па итна операција како ампутацијата би можела да се изведе и без анестезија. Токму поради тоа го користеле за време на војната во Виетнам.

Кетаминот инаку се користи за лекување на коњите, а на луѓето им се дава само во екстремни случаи, и тоа во итни случаи и во болниците кога морфиумот не делува. Кај луѓето ретко се користи бидејќи има многу опасни нус појави, а најчеста е психозата. Освен тоа, кај зависниците се јавува крв во урината и силни болки во стомакот, а зависноста доведува и до оштетување на мочниот меур и бубрезите.

Краткотрајно може драстично да го намали крвниот притисок, да ја поремети работата на срцето, да го зголеми притисокот на мозокот и да донесе проблеми со видот, предупредуваат докторите. Предозирањето пак доведува до мозочен или до срцев удар. Но најлошо е што поголемиот број на конзументи мислат дека тој не содава зависност. Секако, не се во право. Освен тоа, многу брзо се јавува толеранцијата кон оваа дрога, па конзументите мораат да земаат се поголеми дози за да ја доживеат посакуваната состојба.