Легендарниот капитен на Милан на крајот од сезоната ќе се прости со фудбалот. Како најсериозен конкурент за неговото место се смета Шпанецот Серхио Рамос.
Оваа информација ја пласираше италијанскиот Corrire dello Sport наведувајќи дека Росонерите ќе испратат мега понуда на Сантијаго Бернабе.
„Ќе ни треба свежо засилување откако
Малдини ќе се пензионира на крајот од сезоната“, порача потпретседателот на Милан и додаде: „Да се најде човек што ќе го замени Паоло Малдини е невозможно, но сметаме дека најблизу до тоа е токму фудбалерот на Реал Мадрид“.
Според фактот што клубот сеуште му нема понудено нов договор на
Рамос, медиумите претпоставуваат дека фудбалерот сака да си замине од клубот. Познавачите сметаат дека бекот ќе дојде во Милан доколку италијаните се пласираат во Лигата на шампионите, што најверојатно и ќе се случи.
Слично како Рамос, се споменуваат и имињата на
Запата од Удинезе и
Даниел Агер од Ливерпул, но Шпанецот дефинитивно е фаворит на челниците на Милан.
20.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
