Ал Каеда до Обама: Тешко вас! (видео)

Порака од вториот човек на Ал Каеда наменета за новоизбраниот претседател на САД Барак Обама е објавена вчера на исламистичка веб страница.

Во пораката се вели дека Обама го чека огормно наследсвто на неуспеси и злосторства, пренесува агенцијата Нетпрес.

Во видео пораката вториот човек на Ал Каеда, Ајман Ал Завахири ги осудува надворешно политичките ставови на Обама, посебно оние спрема Авганистан и Израел и генерално го исмева неговиот поглед на светот.

Ал Завахири во својата порака вели дека Обама не може да се спореди со Малком Икс, американски активист со африканско потекло кој ја примил исламската вера.

Како што пренесува СиЕнЕн, се смета дека Ал Завахири и Осама бин Ладен се кријат во племенските подрачја во Пакистан.

Во видео снимката која трае околу 11 минути се гледаат снимки од говорот на Малком Икс. Тој бил прикажан на тепих на кој се моли во џамија а потоа следат снимки од Обама, кој на главата има еврејска капа и се наоѓа кај Западниот ѕид во Еурусалим а потоа снимка од Ал Завахири. Видеото се вика „Заминувањето на Буш и доаѓањето на Обама“.



„Дојдовте на положба претседател а ве чека огромно наследство на неуспеси и злосторства. Неуспехот во Ирак и сами го признавте а неуспехот во Авганистан го признаа командантите на вашата војска“ вели Завахири во пораката и наведува дека ставот на Обама за повлекување на трупите од Ирак и испраќање на истите во Авганистан е политика која е преодредена на неуспсех уште пред да започне.

Завахири го критикува Обама бидејќи наводно го предал своето потекло и муслиманскиот свет.

„Потекнуваш од татко муслиман но ти одбра да стоиш во редовите на непријателите муслимани и да учествуваш во молитвите за Евреите иако тврдиш дека си христијанин. Сето тоа го направи за да бидеш лидер на Америка“.