Македонското Собрание не го усвои Законот за посебните права на припадниците на безбедносните сили и на нивните семејства, што се однесува на бранителите од конфликтот од 2001 година.
Од 69 пратеници, 20, гласаа „за“ законот, 10 беа против и 39 се воздржаа од гласање за законот, кој што како иницијатива на Здружението на припадниците на безбедносните сили „Достоинство“ доби поддршка од 30.000 граѓани. Владата не достави мислење за законскиот предлог.
Здружението „Достоинство" со законот бараше финансиски надомест за семејствата на загинатите бранители, како и за инвалидите од војната. Се предлагаа и бенефиции за семејствата на загинатите при вработување, но и за невработените бранители, предвремено пензионирање, обезбедена здравствена нега и друго.
69 припадници на македонските безбедносни сили (армијата и полицијата) загинаа во конфликтот од 2001 година.
Владини извори за медиумите образложуваат дека законот на „Достоинство“ годишно ќе ја чини државата околу 300 милиони евра.
Copyright 2008 makfax Сите права се задржани. Текстов не смее да се печати или емитува, во целина или во делови, без договор со makfax.
20.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
