Во отвореното писмо до претседателот на САД, Памела Андерсон лобира за легализација на марихуаната, прекин на експериментите со животни и кастрација за сексуалните престапници осудени за педофилија.
Најпознатата зајачица на светот преку својата официјална страница му упати
отворено писмо на новоизбраниот американски претседател
Барак Обама, во кое отворено се залага за легализација на марихуаната.
„Мислам дека треба да ја легализирате, оданочувате и да го надгледувате производството на марихуана. Тоа би ги направило нашите граници посигурни и на долги патеки би ги заштитило нашите деца. Покрај тоа, легализацијата на марихуаната би создала многу работни места“, напиша
Памела Андерсон во отвореното писмо.
Памела исто така изрази мислење дека потенцијалните и осудувани педофили треба да бидат кастрирани.
„Владата треба да го кастрира секој педофил, дури и оние потенцијалните. На нашите деца им е потребна поголема заштита и таквите злосторства треба да се спречуваат, а не само да се казнуваат“, вели популарната актерка.
Американската старлета се залага и за прекин на експериментите врз животни, затворање на американската база Гвантанамо, подобра и подостапна здравствена заштита и враќање на американските трупи од Ирак.
20.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
