Видео: Загубивме од Црна Гора

Нашите репрезентативци повторно покажаа променлива игра. Во првиот дел игравме очајно и примивме 2 погодоци, додека во вториот одигравме нешто подобро и успеавме да намалиме.

Домашните поведоа во 24 минута откако Џудовиќ биеше од слободен удар, а топката се одби од живиот ѕид и на чуден начин заврши во нашиот гол. Кривицата за овој гол оди кај Новески кој не реагираше најдобро и им дозволи на домашните да погодат од неизгледна ситуација.

Во 33 минута судијата им подари пенал на Црногорците, а Јоветиќ без поголеми проблеми погоди за 2:0.

Пред самиот крај на полувремето Грнчаров имаше добар обид со глава, но ја пропуштивме и таа прилика.

Во вториот дел Катанец во игра ги внесе Гроздановски, Мазнов, Стојков и Тасевски, а излегоа Пандев, Наумовски, Новески и Милошоски. Со новите фудбалери покажавме многу динамична игра, ја контролиравме топката и навистина бевме подобриот тим.

Мазнов и Стојков имаа непрецизни обиди од далечина, Стојков не успеа да погоди во соло акција, но затоа во 85 минута Горан Попов го постигна вториот гол во дресот на македонската репрезентација.

Погодокот го видовме откако прво Гроздановски ја започна акцијата, Мазнов ја пропушти, а Стојков ја промаши топката, за најпосле таа да дојде до Попов кој смирено ја пласираше во голот.

Погледнете го погодокот на Попов


Погледнете ги сите погодоци!

За разлика од сениорската, нашата репрезентација за играчи под 21 година загуби со 3:0 од селекцијата на Албанија.