ОКТА загадува над дозволеното

При последните контролни проверки на загаденоста на воздухот од оџак, амбиенталниот отпад и загаденоста на водата на ОКТА било откриено присуство на јаглерод моноксид над дозволеното, а воедно било забележано присуство на алуминиум сулфид и органски компоненти во водата.

Концентрацијата на јаглерод моноксид не треба да ја помине границата од 170 мг на метар кубен и не треба да биде подолга од 30 минути. Со последното мерење, при крајот на октомври, годинава, било констатирано присуство на јаглерод моноксид од 190-250 мг на метар кубен и во траење од 2,5 часа. Во отпадните води била утврдена зголемена концентрација на алуминиум сулфид како и на органски компоненти.

По последните мерења со кои било констатирано дека се надминати дозволените вредности против ОКТА е поднесена и прекршочна пријава.

Според Законот за заштита на животната средина казната за сторителите на прекршок во однос на загадувањето на животната средина изнесува 20.000 евра а во иднина со најавените измени на Законот казната ќе се зголеми петкратно и ќе изнесува 100.000 евра а за одговорното лице ќе изнесува 5000 евра.