Магазинот People го прогласи Хју Џекмен за најсекси маж на светот, а неговата жена на тоа одговара: ’Па, тоа можев да ви го кажам и лани.’
Објаснувајќи го овогодинешниот избор за најсекси маж,
Пипл пишува: „Тој е тројна закана – може да танцува, да пее и да носи оружје“.
А, неговата партнерка од филмот
Австралија,
Никол Кидман вели дека „жените подзинуваат кога ќе се појави
Џекмен“.
Продуцентите од ’Австралија’ сигурно тријат раце поради оваа титула - стигна само еден ден по светската премиера на филмот. Подобра реклама не можеа да посакаат!
Неговата сопруга
Дебора Ли Фурнес, со која е 12 години во брак, го прокоментира изборот со зборовите: „Тоа можев да ви го кажам и лани“.
Шегувајќи се, додава дека очигледно
Бред Пит годинава бил недостапен.
Па, иако нејзиниот сопруг има совршено обликувано тело, Деб тврди дека повеќе го сака она што е внатре – тој е романтичен тип кој дома пее балади и им прави палачинки на децата.
Хју вели дека 95% од времето додека го снимал филмот бил валкан.
Зад Хју се смести
Даниел Крег, трет е
Џон Хам (ѕвездата на американската серија Мед Мен), а четврт е младиот актер
Зак Ефрон.
На листата се и
Дејвид Бекам, оскаровецот
Хавиер Бардем, Џошуа Џексон и олимпискиот победник
Мајкл Фелпс.
Порано титулата најсекси маж ја носеа и:
Џорџ Клуни, Бред Пит и Мет Дејмон.
19.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
