Завршени се сите подготовки Македонија да биде врвен домаќин на претстојното Европското првенство (ЕП) во ракомет за жени, што од 2 до 14 декември ќе се одржува во Скопје и Охрид.
На заедничката прес конференција која денеска ја организираа Ракометната федерација на Македонија и нејзиниот официјален партнер, мобилниот оператор ВИП премиерно беше претставен официјалниот постер за ЕП со лого „Нека почне играта во Македонија“.
„Убедени сме дека ЕП ќе биде организирано на врвно ниво. Првенство е вистински предизвик и за нашата сениорска женска ракометна репрезентација и афирмација на Република Македонија“, изјави в.д. претседател на Ракометната федерација на Македонија Михајло Михајловски.
- На прагот сме на најголемиот спортски ракометен настан во Македонија. Се надеваме дека со една добра организација и работа и покрај силните противници во нашата група ќе може да ги задоволиме вкусовите и очекувањата на нашите верни навивачи и сите оние кои се вклучени во работата на репрезентацијата вклучувајќи го и нашиот официјален партнер ВИП“, изјави селекторот Владимир Глигоров.
Главниот извршен директор на Вип оператор. Никола Љушев истакна дека партнерството со македонскиот ракомет е многу повеќе од обично спонзорство. „Ние во нашите ракометни репрезентации гледаме наши пријатели и пријатели на афирмирањето на вистинските вредности на Македонија“, изјави Љушев, како што пренесува Макфакс.
19.11.2008
Како што објави Меѓународниот фудбалски институт за статистика, англискиот и европски шампион е најдобриот фудбалски клуб во 2008 година.
