10 најоткачени натпреварувања

Бидејќи сопствениот успех најслатко се мери со туѓиот неуспех, луѓето се натпреваруваат од се што се движи – се до сопствениот одраз во огледалото ако треба.

Сепак, докажувањето на супериорноста во глумењето оргазми, рафтинг со еротски кукли на надувување или екстремно пеглање нема толку да влијае на вашата положба во пирамидата на интелигенцијата и физичката спремност колку на евентуалното громогласно силно смеење на околината. Некои натпреварувања се толку забегани што ’победник’ се станува со самото учествување.

Глумење оргазам
Учете од најдобрите. Воздивнувачките и врескачки сеанси на оргазми глумени пред микрофон се одржуваат речиси по сите страни на светот. Лажното свршување пред аудиториум го има тој шмек што луѓето се обидуваат да одглумат оргазам на најдобар можен начин, што и тоа да значи, а не едноставно да го повторат својот. Во секој случај, премногу невистина за премалку уживање.

---

Нуркање во канал за наводнување
Ви треба маска, ’дишалка’, по можност фруоресцентна зелена перика и еднонасочна карта за Велс. Бидејќи којзнае дали некогаш ќе се вратите од гадниот канал за наводнување во Ланвртид Велс кај што сте тргнале да го соборите рекордот во циркуско нуркање. Не е дозволена ниедна официјална привачка техника што значи дека на располагање ви се сите ’кучешки’ методи или некој друг облик на неконтролирано мавтање со рацете и нозете. Рекордот изнесува минута и триесет и пет секунди.

---

Човек против коњ
Натпреварувањето кое настана како резултат на пијана опклада на истата екипа што го измисли и нуркањето во кал, се обидува да го даде историскиот одговор на прашањето кој е побрз на долги патеки – човекот или коњот? Долга 35 километри, трката се одвива на непристапен терен со голем број угорнини и удолнини. Во првите 16 години сите победнички венци ги собрале копитарите. Тогаш, ветеранот во маратонско трчање Ху Лоп во 2004 година го врати достоинството на човечките нозе победувајќи го животното. Истото се случи и минатата година.

---

Екстремно пеглање
Пеглањето е досадно. Точка. Затоа под итно штицата и пеглата под рака и трк на неколку илјади метри височина, или некаде под вода, или во најмала рака на банџи скок - па одработете ја смотаната работа со многу повеќе адреналин. Барем така прават љубителите на екстремното пеглање. Првото натпреварување се одржа во 2002 година во Германија и оттогаш екстремните пеглачи не го испуштаат ова домашно магично помагало и тоа на места каде вие не би стапнале ни на сон.

---

Носење жени
Старата мачо традиција вели дека жените се само товар, грижа, бреме и тешкотија. Кога би можело целата тежина да се замени во пиво. И токму тоа им текнало на жедните Финци кои со векови се натпреваруваат во трка на носење жени. Правилата налагаат брачниот товар да има најмалку педесет кила. Ако нема, се додаваат тегови. Ако жената испадне во трката, следи 15 секунди казна. Победникот како ретко кога и заблагодарува на сопругата што ја носи ако се има предвид наградата. Добива исто количество на пиво колку што е тешка жената.

---

Рафтинг со кукли на надувување
Кој нема жена, секогаш може да си надува една и да се придружи на руското натпреварување во рафтинг со надувани еротски кукли. Bubble Baba Challenge собира неколку стотици пливачки авантуристи кои на кукла треба да препливаат 1200 метри во реката Вукоса во близината на Санкт Петерсбург. Според правилата гумените девојки мора да бидат ’девици’, факт што во 2006 година го чинеше победникот првото место. Жирито, имено, утврдило дека напумпаната дама веќе била употребувана.

---

Шаховско боксување
„Е како ми иде сега да му ја опнам една, тој мене топот...“ сигурно сте си помислиле ако барем еднаш сте играле шах. За таквите нагони љубезно се погрижи Светската шаховско-боксерска асоцијација која организира натпреварувања во кои малку се игра шах, па малку се удираат со ракавици. „Шахобоксерите“ наизменично играат на таблата (четири минути) и во рингот ( три минути). Се дури еден не зададе било шах-мат, било нокаут. На професионалните боксери, им е забрането учеството. Сигурно претпоставувате зошто!

---

Катапултирање тикви
Ноќта на вештерките исклучително е надарена со приглупи ритуали, а некаде на самото дно на листата на малоумни работи се наоѓа натпреварувањето во исфрлање тикви. Манифестацијата Punkin Chunkin собира секоја година околу 20.000 луѓе во американскиот град Делавер. Сето започна во 1986 година, кога тројца селски идиоти се скарале кој може најдалеку да ја фрли тиквата. Натпреварувачките екипи сами изработуваат свои катапулти, а рајата редовно се пали на спектаклот на удирањето на тиквата од земјата. Вау....

---

Воздушна гитара
Некои луѓе подобро свират отколку што им звучат инструментите. Прашајте ги махерите на ’воздушната гитара’ кои напамет ги знаат лудите солажи, бесно ја тресат главата, прстите им работат со брзина на светлината, а сето тоа – во воздух. Замислуваме дека идејата се создала во главата на некој тинејџер пред огледало додека од звучниците трештело Ајрон Мејден додека мајка му му спремала сендвич и јаболко во школската торба зборувајќи му да внимава на часот и дека баба му многу го сака. Натпреварувањето на воздушна гитара се одвива од 1996 година во Финска, а се бодуваат енергијата, реалистичноста и „страшниот“ став. Јако!

---

Шмркање бурмут
324 мажи и 48 жени сметале дека натпреварувањето во шмркање бурмут е вредно за учествување и одлучиле да ги стават своите носови на располагање во германскиот град Оберфалц. Она на што не сметале е дека шмркањето на црнава работа остава асоцијативни траги над устата, па натпреварувачите по повеќекратното шмркање и до пет грама во рок од една минута изгледаат како варијации на великиот фирер (Адолф Хитлер). Веројатно така и би се чувствувале ако правот беше со нешто поинаква боја.